Хэрэглэгчийн бүлгүүдийг удирдах

Ерөнхий=

Хэрэглэгч групууд функцийг админы хэрэглэгчдийг тусдаа бүлгүүдэд хуваарилах зорилгоор нэмсэн. Гэхдээ энэ сонголт одоогоор функциональ байдлаараа хязгаарлагдмал. Бүлэгт холбогдсон жинхэнэ эрх байхгүй. Бүлгүүд нь админы хэрэглэгчдийн бүлэгтэй ажиллахад зориулсан макро эсвэл текстэн хялбар хэрэгсэл болдог.

Хэрэглэгчийн бүлгийн удирдлага

конфигураци цонхонд байрлах Хэрэглэгчийн бүлэг үүсгэх/засах товчийг дарвал хэрэглэгчийн бүлэг-ийн удирдлагын хуудас руу шилжинэ.

Хэрэглэгчийн бүлэг үүсгэх

Хэрэглэгчийн бүлэг нэмэхийн тулд цонхны зүүн дээд буланд байрлах групд шинэ хэрэглэгчийг нэмэх товчийг дарна уу. Хэрэглэгчийн бүлгийн нэр болон тодорхойлолтыг бичээд хадгалах товчийг дарна:

Одоо унждаг жагсаалтаас хүссэн хэрэглэгчээ сонгоод хэрэглэгч нэмэх товчийг дарж шинээр үүсгэсэн хэрэглэгчийн бүлэгт хэрэглэгчдийг нэмэх боломжтой.

 Hint: Доорх жишээнээс харахад хэрэглэгчийн бүлгийн эзэмшигч/үүсгэгч нь өөрийн хэрэглэгчийн бүлэгт автоматаар нэмэгдсэн байгааг харж болно..

Хэрэглэгчийн бүлгүүдийн жагсаалт руу буцахын тулд (цонхны баруун дээд хэсэгт байрлах) Хаах товчийг дарна уу. Шинээр нэмсэн бүлгийг жагсаалтаас харах боломжтой. Хүснэгтэд дараах мэдээллүүд харагдана:

• Хэрэглэгчийн бүлгийн ID : Хэрэглэгчийн бүлэг бүрт автоматаар оноогдсон өвөрмөц ID-г харуулна.
• Нэр : Хэрэглэгчийн бүлгийн нэр.
• тодорхойлолт : Хэрэглэгчийн бүлгийн тодорхойлолт.
• эзэмшигч : Хэрэглэгчийн бүлгийн эзэмшигч/үүсгэгч. Эзэмшигчийг өөрчлөх боломжгүй. Хэрэв шаардлагатай бол бүлгийг устгаад өөр бүлэг үүсгэх хэрэгтэй.
• Гишүүд : Хэрэглэгчийн бүлгийн гишүүдийн тоог харуулна;
• үйлдэл : Сүүлийн багана нь хэрэглэгчийн бүлгүүдийн жагсаалтад бүлэг бүрт боломжтой үйлдлүүдийг харуулна. Хэрэглэгчийн бүлгийн дараах үйлдлүүд байна: Хэрэглэгчдийг үзэх, Хэрэглэгчийн бүлгийг засах, Хэрэглэгчийн бүлэг рүү цахим шуудан илгээх, Хэрэглэгчийн бүлгийг устгах.

Хэрэглэгчийн бүлгийн гишүүдийг харах

Ногоон хүснэгт дээр дарвал хэрэглэгчийн бүлгийн гишүүдийн талаарх илүү дэлгэрэнгүй мэдээлэл харагдана.

Хэрэглэгчийн бүлгийг засах

Ногоон үзэг дээр дарж тухайн хэрэглэгчийн бүлгийн нэр болон тодорхойлолт-ыг засах боломжтой.

Хэрэглэгчийн бүлэг рүү цахим шуудан илгээх

Ногоон захидлын тэмдэг нь бүлгийн админд тухайн хэрэглэгчийн бүлгийн гишүүдэд масс цахим шуудан илгээх боломжийг олгоно. Үүнд:

• Надад хуулбар илгээх: Сонгосон тохиолдолд хэрэглэгчийн бүлгийн эзэмшигч/үүсгэгч рүү цахим шуудан илгээгдэнэ.
• сэдэв: Цахим шуудангийн хүссэн сэдвийг бичнэ.
• мессэж: Хэрэглэгчийн бүлгийн гишүүдэд илгээхийг хүссэн мессежээ бичнэ.

Дараа нь мессэж текстэн хайрцагийн доор байрлах илгээх товчийг дарна уу.

Хэрэглэгчийн бүлгийг устгах

Хэрэглэгчийн бүлгийг устгахын тулд устгах гэж буй хэрэглэгчийн бүлгийн мөрөнд байрлах улаан хогийн савны товчийг дараад OK дарна уу.

Хэрэглэгчийн бүлэгт судалгаанд хандах эрх олгох

Хэрэглэгчийн бүлэг-ийг асуултуудыг засах, судалгааг идэвхжүүлэх, и/эсвэл хариултуудыг харах зэрэг судалгааны тусгай эрхүүд-ийг олгоход ашиглаж болно. Хэрэглэгчийн бүлэг-ийг нэмэх нь макро функц шиг ажилладаг бөгөөд хэрэглэгчийн бүлэг-ийн одоогийн бүх гишүүдийг ижил эрхтэйгээр тухайн мөчид Судалгаа-нд нэмнэ.

Судалгаанд хандах эрхийг өөрчлөхийн тулд судалгааныхаа Тохиргоо цэс рүү очно уу. Судалгаанд хандах эрхүүд дээр дарж, судалгаанд хандах эрх олгох хэрэглэгчийн бүлгийг сонгоно уу:

Дараагийн алхамд тухайн хэрэглэгчийн бүлгийн гишүүдэд олгох зөвшөөрлүүдээ сонгоно уу. Зөвшөөрлийн матрицыг өргөтгөсөн байдлаар харахын тулд давхар баруун сумыг дарахаа бүү мартаарай.

Судалгаанд хандах эрхийг засаж дууссаны дараа дэлгэцийн баруун дээд хэсэгт байрлах хадгалах товчийг дарна уу. LimeSurvey-н судалгаанд хандах эрхийн системийг илүү сайн ойлгоход туслах зарим жишээг доор үзүүллээ.

Хэрэв та судалгаанд хандах эрхийг зөвхөн нэг хэрэглэгчид олгохыг хүсвэл дараах вики хуудсыг уншина уу.

Анхаарах зүйлс

Хэрэглэгчийн бүлгийн функцийн зарим хязгаарлалтыг доор үзүүллээ:

• Хэрэглэгчийн бүлэгт (түүнийг судалгаанд нэмсний дараа) хийсэн өөрчлөлт нь судалгаанд хандах эрхэд нөлөөлөхгүй. Жишээлбэл, судалгаанд хандах эрх аль хэдийн олгогдсон хэрэглэгчийн бүлэгт шинэ хэрэглэгчид нэмэгдсэн тохиолдолд тэдгээр шинэ хэрэглэгчид бүлгийн бусад гишүүдтэй адил судалгаанд хандах эрхгүй байна. Үүний тулд шинэчлэгдсэн хэрэглэгчийн бүлэгт судалгаанд хандах эрхийг дахин олгох шаардлагатай бөгөөд ингэснээр бүлгийн шинэ гишүүд бусад гишүүдтэй адил эрх авна.
• Хэрэв та судалгаанд хандах эрхтэй хэрэглэгчийн бүлгээс хэрэглэгчийг хасвал тухайн хэрэглэгч бүлгийн судалгаанд хандах эрхээ алдахгүй. Түүний эрхийг цуцлахын тулд бүртгэлийг судалгаанд хандах эрхүүдийн хүснэгтээс устгана уу.

Хэрэглэгчийн бүлгийн функцүүд туршилтын шатандаа байгаа тул LimeSurvey ашиглах явцад илрүүлсэн аливаа зөрчил, алдааг анхаарч, алдаа бүртгэгч (санал болгож буй арга) эсвэл тикет систем ашиглан мэдэгдэхийг хүсье.

Жишээнүүд

LimeSurvey-н хэрэглэгчийн бүлэг хэрхэн ажилладгийг илүү сайн ойлгоход туслах зарим жишээг доор үзүүллээ:

Хэрэглэгчийн бүлгийн гишүүдэд судалгаанд хандах тодорхой эрх олгогдсон тухай мэдэгдэх

• Нэвтрэх.
• Хэрэглэгчийн бүлгүүдийн жагсаалт руу очоод ногоон шуудангийн тэмдэг (хүснэгтийн сүүлийн баганад байрлана) дээр дарна.
• Имэйлийн сэдэв болон агуулгыг бичнэ.
• Илгээнэ.

Хэрэглэгчийн бүлэгт тодорхой зөвшөөрөл олгох

• Админаар (эсвэл 'судалгааны хамгаалалт' болон 'судалгааны агуулга' зөвшөөрөлтэй хэрэглэгчээр) нэвтэрнэ.
• Хэрэглэгчийн бүлэг үүсгэнэ.
• Хэрэглэгчийн бүлэгт хэрэглэгчдийг нэмнэ.
• Судалгааны Судалгаанд хандах эрхүүд хуудас руу очно.
• Хэрэглэгчийн бүлгийг нэмээд, гишүүдэд нь олгохыг хүссэн судалгааны эрхүүдийг олгоно.

Хэрэглэгчийг хэрэглэгчийн бүлэгт нэмэх

Дээр дурдсанчлан хэрэглэгчийн бүлэг нэмэх нь тухайн хэрэглэгчийн бүлгийн одоогийн бүх гишүүнийг нэмдэг макро функц шиг ажилладаг бөгөөд судалгаанд хандах эрх олгох үйл явцыг хөнгөвчилдөг. Харин тухайн бүлэгт шинэ гишүүн нэмэгдсэн тохиолдолд уг гишүүн бүлгийн бусад гишүүдэд өмнө нь олгосон эрхүүдийг автоматаар авахгүй. Тиймээс түүнд ижил эрх олгохын тулд дээрх жишээнд үзүүлсэн алхмуудыг давтах эсвэл ('Судалгаанд хандах эрх' самбараас) хэрэглэгч нэмэх функцийг ашиглан түүнийг тусад нь нэмнэ.

Хэрэглэгчийн бүлэгт байхаа больсон хэрэглэгчийн зөвшөөрлийг устгах

Хэрэглэгчийг бүлгээс хасвал түүнд хэрэглэгчийн бүлгийн ямар ч зөвшөөрөл үлдэхгүй байх ёстой. Гэсэн хэдий ч хэрэглэгчийн бүлгийн функцүүдийн хязгаарлалтаас шалтгаалан ийм зүйл болдоггүй! Хэрэв та хэрэглэгчийг хэрэглэгчийн бүлгээс устгасан ч тэр бүлгийн судалгаанд хандах эрхээ хэвээр хадгална. Иймд бүртгэлийг 'Судалгаанд хандах эрхүүд' хүснэгтээс гараар устгах нь тойрох арга юм.

• Администратороор (эсвэл 'судалгааны хамгаалалт' зөвшөөрөлтэй хэрэглэгчээр) нэвтэрнэ.
• Судалгааны Тохиргоо-оос нэвтэрч болох Судалгаанд хандах эрхүүд хуудас руу очно.
• Тухайн хэрэглэгчийг 'Судалгаанд хандах эрхүүд' хүснэгтээс устгана.

Судалгаанд хандах эрхтэй хэрэглэгчийн бүлгийн бүх гишүүнийг устгах

Дээр дурдсанчлан хэрэглэгчийг бүлгээс устгах нь түүний судалгаанд хандах эрхийг буцаан авахгүй. Үүнтэй адил 'хэрэглэгчийн бүлгүүд' дээр мөн адил. Хэрэглэгчийн бүлгийг устгах нь тухайн бүлгийн гишүүдэд өмнө нь олгосон судалгаанд хандах эрхийг буцаан авахгүй. Одоогоор цорын ганц боломжит шийдэл бол тэднийг 'Судалгаанд хандах эрхүүд' хүснэгтээс гараар устгах явдал юм.