Үнэлгээ

Зөвлөмж: Та ExpressionScript ашиглан илүү нарийн үнэлгээ болон тайлан үүсгэх боломжтой. Энэ нь бүх төрлийн хувьсагчид хандах, судалгааны ямар ч цэгт (зөвхөн төгсгөлд биш) хэрэгцээт тайланг хялбархан үүсгэх боломжийг олгоно. Шинэ Тэгшитгэл асуултын төрлийг ашигласнаар LimeSurvey таны үнэлгээний тооцоолол болон/эсвэл тайланг мэдээллийн санд автоматаар хадгалах боломжтой.

Танилцуулга

LimeSurvey нь судалгааны администраторуудад судалгаанд оролцогчдод зориулсан судалгааны "үнэлгээ" үүсгэх боломжийг олгодог онцлогтой бөгөөд энэ нь олон хэлтэй судалгаанд ч боломжтой. Үнэлгээ гэдэг нь судалгааг илгээсний дараа нэн даруй хариултуудыг үнэлж, (тухайн үнэлгээнд үндэслэн) судалгаанд оролцогчид текст блокуудыг харуулдаг дүрмүүд юм.

LimeSurvey-ийн үнэлгээний онцлогийг ашиглахын тулд Судалгааны цэс-ээс Үнэлгээ табыг дарна уу.

Дараа нь та үнэлгээний горимыг идэвхжүүлж болно.

LimeSurvey-ийн хуучин хувилбарууд (жишээ нь 2.x)-д үнэлгээг үүсгэх, засахын тулд судалгааны тохиргоонд орж, Notification & data management табаас үнэлгээний горимыг идэвхжүүлнэ. Хариултыг засах үед үнэлгээний утгыг оруулах нэмэлт талбарууд харагдана.

Үнэлгээ хэрхэн ажилладаг вэ?

Дараах жишээ нь үнэлгээний горим хэрхэн ажиллахаар бүтээгдсэнийг илүү сайн ойлгоход туслах болно.

Таны судалгаанд хоёр асуулт байна гэж төсөөлье. Эхний асуулт нь хэрэглэгч тамхи татдаг эсэхийг асууна: "Та тамхи татдаг уу?". Асуултад 3 боломжит хариулт байна: "Тийм, өдөрт 10-аас олон" гэдэг нь "10" утгатай, "Тийм, гэхдээ өдөрт 10-аас цөөн" гэдэг нь "5" утгатай, "Үгүй, би огт тамхи татдаггүй" гэдэг нь "1" үнэлгээний утгатай.

Хоёр дахь асуулт "Та спортоор хичээллэдэг үү?" нь гурван боломжит хариулттай: "Тийм, би долоо хоногт гурван удаа, дор хаяж хагас цагаар хичээллэдэг" гэдэг нь "1" утгатай, "Тийм, би хааяа хичээллэдэг" гэдэг нь "5" утгатай, "Үгүй, би хичээллэдэггүй" гэдэг нь "10" хариултын код/утгатай.

Хэрэв бид судалгааны төгсгөлд хариулт бүрийн утгуудыг нэмбэл, хариулагчийн ерөнхий эрүүл мэндийн талаар сайн ойлголт авах боломжтой. Тамхи татдаг бөгөөд огт спортоор хичээллэдэггүй хүн хариулт бүрт 10 оноо авах тул хоёр утгыг нэмэхэд нийт 20 оноо авна. Тамхи татдаггүй бөгөөд спортоор хичээллэдэг хүн хариулт бүрт 1 оноо авч, эцэст нь нийт 2 оноо авна.

Үнэлгээг ашиглах жишээ судалгааг татаж авах боломжтой. Та энэ судалгааг импортлох функц-оор өөрийн LimeSurvey суулгацдаа импортолж болно: File:Limesurvey sample survey Assessment.lss.

Үнэлгээ

Үнэлгээний хуудас:

Шинэ үнэлгээний дүрэм үүсгэхийн тулд үнэлгээний дүрэм хүснэгтийн доор байрлах талбаруудыг бөглөнө үү. Дараах сонголтууд байна:

• Бололцоо: Та Нийт эсвэл Груп-ийг сонгож болно. Эхнийх нь судалгаа даяар илгээсэн бүх хариултын нийлбэрт суурилсан үнэлгээ үүсгэнэ. Сүүлийнх нь асуултын бүлгийн илгээсэн бүх хариултын нийлбэрт суурилсан үнэлгээ үүсгэнэ;
• Груп: Унждаг жагсаалтаас үнэлэхийг хүссэн асуултын бүлгээ сонгох боломжтой.

Хэрэв та өмнө нь Нийт-ийг сонгосон бол Груп талбар нь судалгааны хариултуудын үнэлгээнд нөлөөлөхгүй - энэ нь {PERC} орлуулагчийг ашиглах үед чухал.

• Хамгийн бага хэмжээ: Энэ үнэлгээ хамаарах хамгийн бага оноо.
• Хамгийн дээд хэмжээ: Энэ үнэлгээ хамаарах хариултуудын хамгийн их оноо;

Дээр үзүүлсэн жишээг дахин авч үзье. Хэрэв оролцогч 1 (хамгийн бага)-ээс 10 (хамгийн их) хүртэл оноо авбал үнэлгээний онцлог нь хариулагчид эрүүл мэнд нь сайн байгааг мэдэгдсэн мессеж харуулна. Хэрэв 11 (хамгийн бага)-ээс 20 (хамгийн их) хүртэл оноо авбал үнэлгээний онцлог сүүлийн хуудсанд оролцогчийн эрүүл мэнд тийм ч сайн биш байгаатай холбоотой мессеж харуулна.

• Гарчиг: Үнэлгээг харуулахаар болсон тохиолдолд гарч ирэх үнэлгээний гарчиг;
• Мессэж: Судалгааны төгсгөлд оролцогчдод харагдах үнэлгээний текст мессеж. Та асуултын бүлэг бүрийн оноо эсвэл судалгааны нийт оноог онцлохын тулд {PERC} ба/эсвэл {TOTAL} зэрэг орлуулагчийг ашиглаж болно. Ногоон харандаа товчийг дарж HTML-редактор руу орон, өнгө, хүснэгт, зураг зэргийг нэмж үнэлгээний эцсийн мессежийг сайжруулна уу.

Та хүссэн тоогоороо үнэлгээ үүсгэж болох бөгөөд тухайн оноонд харуулах нэгээс олон үнэлгээ үүсгэх боломжтой.

Зарим үнэлгээг нэмсний дараа боломжит үнэлгээний үйлдлүүд үнэлгээний дүрэм хүснэгтийн үйлдэл баганад харагдана. Эндээс та үнэлгээний дүрмийг засах эсвэл устгах боломжтой:

Хэрэв та үнэлгээг ашиглаж байгаа бол autoload the URL сонголтыг идэвхжүүлээгүй эсэхээ шалгах шаардлагатайг анхаарна уу. Хэрэв энэ идэвхтэй бол үнэлгээний дүрмийн текст бүхий төгсгөлийн хуудас харагдахаа болж, LimeSurvey Танилцуулга-аас URL талбарыг автоматаар ачаалах болно. Та үүнийг мөн тэр табаас идэвхгүй болгож болно.

Асуултын төрлүүдийг хэрхэн үнэлдэг вэ

Үнэлэх боломжгүй эсвэл тусгай аргаар үнэлэх шаардлагатай зарим асуултын төрөл байдаг. Зарим асуултыг үнэлгээний онцлогтой хамт ашиглах боломжгүй. Гэхдээ тэдгээрийг энэ онцлогт ашиглаж болох асуултын төрлөөр сольж болно. Жишээлбэл, 5 онооны сонголттой асуултыг энгийн жагсаалт (радио) асуултын төрлөөр сольж болно.

Дараах асуултын төрлүүдийг үргэлж үнэлэх боломжтой:

• Давхар хуваарь бүхий хүснэгт
• Хүснэгт
• Баганан хүснэгт
• Жагсаалт (буудаг)
• Жагсаалт (радио )
• Тайлбартай жагсаалт
• Олон сонголт
• Тайлбартай олон сонголт

---

Дараах жагсаалтад үнэлэх боломжгүй асуултын төрлүүд байна:

• 5 онооны сонголт
• Массив (5 онооны сонголт)
• Массив (10 онооны сонголт)
• Хүснэгт (Нэмэгдсэн, Адил, Буурсан)
• Хүснэгт (Текст)
• хүснэгт (тимй/ үгүй / тодорхойгүй )
• Хүснэгт (тоо)
• дэлгэцэнд текст харагдана
• Огноо
• Хүйс
• Асар том үнэгүй текст
• Хэл солих
• Үнэгүй урт текст
• Олон тооны оролт
• Тоон оролт
• Зэрэглэл
• Богино үнэгүй текст
• Тийм/Үгүй

Хариулт/шошго бүрт үнэлгээний утга тохируулах

Идэвхжүүлсэн тохиолдолд үнэлгээний горим нь үнэлэгдэх бүх асуултын хувьд хариултын код болон хариултын сонголтын нэрийн хооронд нэмэлт талбар нэмнэ.

Мөн шошгоны багцуудыг асуултуудынхаа хариултын сонголт болгон ашиглаж болно. Хариултын матрицын доор байрлах Predefined label sets... товчийг дарж, урьдчилан тодорхойлсон шошгоны багцаа сонгоно уу.

Хэрэв шошгоны багц ашиглахаар шийдвэл үнэлгээний утгыг бүх шошгонд анх үүсгэх үеэс нь нэмж болно. Ингэснээр судалгааны админ үнэлгээний утга бүхий урьдчилан тодорхойлсон шошгоны багцуудыг олон асуултын хариулт болгон хурдан ашиглах боломжтой.

Энэ арга нь цаг хэмнэдэг бөгөөд илүү практик юм. Судалгаагаа боловсруулах эхний шатанд үнэлгээний утга нь урьдчилан тодорхойлсон нэг шошгоны багцыг олон асуултад ашиглахаар төлөвлөж болно. Ингэснээр үнэлэгдэх асуултуудын бүх хариултад үнэлгээний утгыг гараар нэмэх шаардлагагүй болно.

Шошгоны багц болон тэдгээрийг ашиглах талаар дэлгэрэнгүй мэдэхийг хүсвэл дараах вики хэсгийг уншина уу.

Үнэлгээний орлуулагчууд

Үнэлгээг ашиглах үед дараах орлуулагчид байдаг:

• {PERC}: Асуултын бүлгийн оноог харуулна. Зөвхөн үнэлгээний дүрмийн мессеж талбарт ашиглах боломжтой!
• {TOTAL}: Нийт оноог харуулна. Зөвхөн үнэлгээний дүрмийн мессеж талбарт ашиглах боломжтой!
• {ASSESSMENT_CURRENT_TOTAL}: Энэ орлуулагчийг судалгааны дотор одоогийн нийт оноог харуулахад ашиглаж болно. Оноо нь зөвхөн оролцогч "Дараах" товчийг дарсан үед шинэчлэгддэгийг анхаарна уу. Иймд all-in-one судалгаанд энэ нь хэрэггүй. Мөн үүнийг ашиглахын тулд наад зах нь нэг үнэлгээний дүрэм байх шаардлагатай. Эс бөгөөс орлуулагч ямар ч утга харуулахгүй.

Хэрэв таны судалгаа нууц биш бол дараах орлуулагчид байдаг.

• {TOKEN:EMAIL}: Судалгааны оролцогчдын хүснэгтээс хариулагчийн цахим шуудангийн хаягийг харуулна
• {TOKEN:FIRSTNAME}: Судалгааны оролцогчдын хүснэгтээс хариулагчийн нэрийг харуулна
• {TOKEN:LASTNAME}: Судалгааны оролцогчдын хүснэгтээс хариулагчийн овгийг харуулна
• {TOKEN}: Судалгааны оролцогчдын хүснэгтээс хариулагчийн токен кодыг харуулна

Зөвлөмж & заль мэх

Үнэлгээний утгыг өгөгдөлд хадгалах

Үнэлгээний утгыг өгөгдөлд хадгалж, экспортод оруулахын тулд Тэгшитгэл асуулт үүсгээд тэгшитгэлийн тохиргоонд {ASSESSMENT_CURRENT_TOTAL} гэж оруулна уу.

{ASSESSMENT_CURRENT_TOTAL}-ийг үнэлгээний мессежгүйгээр ашиглах

Хэрэв үнэлгээний мессеж нэмэхгүй байхаар сонговол ямар ч үнэлгээний мессеж харагдахгүй.

Үнэлгээний горимыг хэрхэн идэвхгүй болгох вэ

Үнэлгээний горимыг идэвхгүй болгохын тулд Судалгааны цэс-рүү очиж Data management табыг дарна уу. Notification and data management самбар харагдана. Үнэлгээний горимыг идэвхжүүлэх сонголтыг дарж тухайн судалгаанд идэвхгүй болгоно.

Жишээнүүд

Үнэлгээний горимыг хэрхэн ашиглах вэ

Үнэлгээний боломжийг зөв ашиглахын тулд хийх алхмуудыг илүү сайн ойлгохын тулд дээр үзүүлсэн жишээг дахин үүсгэцгээе.

Хэрэв судалгааг хэрхэн үүсгэхээ мэдэхгүй байвал хурдан эхлэх гарын авлагыг үзнэ үү.

1) Судалгаа үүсгэх

2) Үнэлгээг идэвхжүүлэх. Судалгааны тохиргооны цэс рүү очиж Үнэлгээ табыг дарна уу. Тэнд энэ боломжийг идэвхжүүлнэ:

3) Асуултын груп үүсгэж, асуултуудаа нэмж эхлээрэй. Таны судалгааны бүтэц дараах байдалтай харагдах ёстой:

  Асуултууд нь үнэлгээ хийх боломжтой төрлийнх мөн эсэхийг шалгахаа мартуузай! Эс бөгөөс хариултын сонголтыг засварлах самбарт үнэлгээний утгын талбар харагдахгүй.

4) Дээр үүсгэсэн асуулт бүрт хариулт нэмнэ үү. Хариултуудыг нэмэх/засах үедээ хариулт бүрийн үнэлгээний утгын талбарыг мөн бөглөнө үү:

5) Үнэлгээний утгуудыг мэдэж байгаа тул Үнэлгээ самбарт орж үнэлгээний дүрэм нэмж эхлээрэй. Энэ жишээнд хоёр дүрэм үүсгэсэн:

Эхний үнэлгээний дүрмийн текстэн мессеж (Та дасгал хийж эхлэх хэрэгтэй!) нь оролцогч 1-ээс 10 хоорондох оноо авсан тохиолдолд харагдана. Хоёр дахь үнэлгээний дүрмийн текстэн мессеж (Яг л эрүүл гэдэг нь энэ шүү!) нь оролцогч 11-ээс 21 хоорондох оноо авсан тохиолдолд харагдана.

6) Одоо судалгааг урьдчилан харж, үнэлгээний горим идэвхтэй эсэхийг шалгана уу. Судалгааны төгсгөлд оролцогчийн авсан онооноос хамааран текстэн мессеж харагдана.

Анхаар: Энэ жишээнд оноо харагдахгүй байна! Хэрэв оноог үнэлгээндээ харуулахыг хүсвэл (боломжит нөхцөл бүрт) илүү олон үнэлгээний дүрэм үүсгэх эсвэл үнэлгээний орлуулагчдыг ашиглана уу.

Үнэлгээний орлуулагчийг хэрхэн ашиглах вэ

Өмнөх дэд бүлэгт дурдсанаар үнэлгээтэй холбоотой гурван орлуулагчийг ашиглаж болно: {PERC}, {TOTAL}, болон {ASSESSMENT_CURRENT_TOTAL}.

Өмнөх жишээнд дараах үр дүн гарсан: "Яг л эрүүл гэдэг нь энэ шүү!". Гэвч оноо харагдаагүй.

Оноог харуулах хэд хэдэн арга бий. Боломжит оноо/үр дүн бүрийг онцлохын тулд 6 үнэлгээний дүрэм үүсгэх эсвэл үнэлгээний орлуулагчдыг ашиглаж болно. Доорх жишээ сүүлийн сонголтыг тайлбарлана.

Дээр дурдсанаар {PERC} болон {TOTAL} орлуулагчдыг үнэлгээний дүрмийн мессежийн текстэн хайрцагт ашиглан тухайн бүлгийн оноо болон нийт оноог тус тус харуулж болно. Ашиглалтыг ойлгохын тулд дараах хоёр дэлгэцийн зургийг харцгаая.

Эхний дэлгэцийн зурагт {PERC} болон {TOTAL}-ыг үнэлгээний дүрмийн мессежийн текстэн хайрцагт нэмсэн.

Хоёр дахь дэлгэцийн зураг дээр хоёр орлуулагчийг зөв ашиглахын тулд үнэлгээний дүрэм хэрхэн харагдахыг харж болно. {PERC} ашигласан тул Асуултын груп унждаг жагсаалтаас сонгосон асуултын бүлгийн оноог зөв харуулахын тулд үнэлгээний дүрмийн бололцоо (scope)-г Нийт-ээс Груп болгон солих ёстой:

Судалгааг дуусгасны дараа оролцогчид хариултаасаа хамааран төгсгөлд нь дараах үнэлгээний мессежийг хүлээн авна:

---

{ASSESSMENT_CURRENT_TOTAL}-ыг зөвхөн судалгааны дотор ашиглах боломжтой. Шалгалтын асуулт эсвэл асуултын бүлэг бүрийн дараа ашиглаж болно. Ингэснээр оролцогч бүрт одоогийн шалгалт/судалгааны оноог харуулах боломжтой. Ашиглахдаа жишээлбэл асуулт эсвэл асуултын бүлэг бүрийн эхэнд "Та одоогоор нийт {ASSESSMENT_CURRENT_TOTAL} оноо цуглуулсан байна" гэх мэт мессеж нэмж болно.

Зөвлөмж: Орлуулагчдыг ашиглах бусад нөхцөл байдлыг үзэхийн тулд дараах YouTube бичлэгийг үзнэ үү.

Видео заавар

LimeSurvey-н үнэлгээний боломжийн үндсийг ойлгохын тулд дараах бичлэгийг үзнэ үү.