Mga text element

Panimula

Mula sa panel ng mga text element ng survey, maaari mong i-edit ang pamagat ng survey at ang paglalarawan nito, ang pambungad na mensahe at mensahe sa dulo, ang end URL ng iyong survey, at ang format ng decimal mark at petsa.

Para suriin o baguhin ang mga text element, i-click ang tab na Mga Setting at piliin ang Mga text element.

Panel ng mga text element ng survey

Ang mga sumusunod na field ay matatagpuan sa panel na ito:

Pamagat ng survey

Maaaring baguhin ang pamagat ng survey sa field na ito.

<span id="Survey_Alias_ ^{(New in 5.5 )}">

Alias ng survey ^{(New in 5.5 )}

Maaari kang magtakda ng "alias" sa isang survey, para makasagot ang mga kalahok sa survey gamit ang madaling gamiting URL.

Maaaring baguhin ang alias ng survey sa field na ito. Maaari kang magkaroon ng ibang alias para sa bawat wika. Hindi mo kailangang magtakda ng alias para sa lahat ng wika.

Pagkatapos itakda ang alias, makikita sa buod ng survey ang maikli at madaling gamiting URL na maaaring ibahagi.

Paglalarawan

Maaari kang magdagdag ng paglalarawan ng survey.

End URL

Maaari mong i-redirect ang mga user sa ibang pahina kapag natapos nila ang survey. Kung nais mo silang i-redirect, ilagay ang URL at i-activate ang opsyong automatically load URL na matatagpuan sa ilalim ng tab na Presentation & navigation.

Maaari mong buuin ang iyong URL; tingnan ang detalye kung paano ito gawin.

Paglalarawan ng URL

Maaaring magdagdag ng maikling paglalarawan ng end URL kung ang user ay ire-redirect sa webpage na walang kaugnayan sa survey. Makakatulong ito sa administrator ng survey na magdagdag ng mga tala tungkol sa paggamit ng nasabing URL.

Format ng petsa

Mahalaga ang opsyong ito kapag nais mong i-record ang mga timestamp kasama ng mga sagot ng mga kalahok sa survey. Kapag na-click ito, ipapakita ang isang drop-down na listahan na may iba't ibang format ng petsa. Piliin ang akma sa iyong mga kalahok sa survey. Pakatandaan na iba-iba ang mga format ng petsa na ginagamit sa buong mundo. Halimbawa, inirerekomendang gumamit ng ibang format kung ang survey mo ay nakatuon sa merkado ng US (mm-dd-yyyy) at hindi sa merkado ng Britanya (dd-mm-yy).

Decimal mark

May dalawang opsyon: Tuldok (.) at Kuwit (,). Piliin ang akma sa lugar kung saan mo isinasagawa ang iyong pag-aaral (hal., US kumpara sa Germany).

Pambungad na mensahe

Magsulat ng mensaheng babati sa mga kalahok sa survey kapag binuksan nila ang link ng iyong survey.

Mensahe sa dulo

Magsulat ng mensaheng ipapakita sa mga kalahok sa survey kapag natapos nila ang survey. Kung awtomatikong nilo-load ang end URL, hindi na ipapakita ang mensahe sa dulo.

Hint: Kung naka-enable mula sa mga pangkalahatang setting, gamitin ang HTML editor para mas ma-customize ang pambungad na mensahe, mensahe sa dulo, at paglalarawan ng survey.

Kung multilingual ang iyong survey, may kaukulang tab na ipapakita para sa bawat wika (ipapakita ang mga ito pagkatapos ng batayang wika).